Трамп TikTok'ни 45 кун ичида Америка компаниясига сотишни талаб қилди

Трамп TikTok'ни 45 кун ичида Америка компаниясига сотишни талаб қилди

Фото: Reuters

АҚШ президенти Доналд Трамп Хитойнинг ByteDance интернет-компаниясига TikTok қисқа видеоларини яратиш ва томоша қилиш хизматини 15 сентябргача сотиши шартини қўйди.

Жаноб Трамп Оқ уйдаги журналистларга, агар Microsoft ёки бошқа бир компания уни сотиб олмаса, TikTok "кетади", деб айтди.

"Биз таҳминан 15 сентябрь санасини белгилаб қўйдик, бу вақтда TikTok АҚШда ишлашни тўхтатади. Аммо кимдир, Microsoft ёки бошқа кимдир уни сотиб олса, бу қизиқ бўлади", - деди президент.

Унинг қўшимча қилишича, у Microsoft билан мумкин бўлган битимни муҳокама қилди, унда маълум улушни эмас, балки бутун дастурни сотиб олишга чақирди. Бундан ташқари, Трамп сотишдан тушган даромаднинг бир қисми АҚШ Молия вазирлигига бориши кераклигини таъкидлайди.

Аввалроқ, АҚШ президенти TikTok'ни Хитой хизмати эканлиги сабабли тақиқлаши мумкинлигини айтган эди. Якшанба куни Microsoft Трамп билан маслаҳатлашгандан сўнг дастурни сотиб олиш бўйича музокараларни давом эттиришини тасдиқлади.