Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Туркия билан 2 миллион долларлик венчур жамғармаси ташкил этилади
12.11.2019 12:55,  
99

8 ноябрь куни Ўзбекистон Республикаси Инновацион ривожланиш вазири Иброҳим Абдураҳмонов Туркия савдо палаталари ва товар биржалари уюшмаси Венчур капитал кенгаши раҳбари Гоктекин Динчерлар бошчилигидаги делегацияни қабул қилди. Бу ҳақда вазирлик матбуот хизмати маълум қилди.

Томонлар ҳамкорликдаги 2 миллион АҚШ доллари миқдоридан кам бўлмаган ўзбек-турк венчур жамғармасини тузиш масаласини муҳокама қилдилар. Мазкур венчур жамғармасини ташкил этишдан мақсад инновацион лойиҳаларни ва стартапларни молиялаштириш орқали юртимиз венчур экотизимини ривожлантиришдир.

Туркий тилли давлатлар Ҳамкорлик кенгаши (ТТДҲК) йиғилиши доирасида қабул қилинган ҳужжатларни амалга ошириш мақсадида қўшма технопарклар, стартап корхоналар, инновацион компаниялар ва венчур компаниялар тузиш орқали кичик ва ўрта тадбиркорликни ривожлантириш белгиланган. Бунда ТТДҲКга аъзо-давлатларнинг, хусусан Туркиянинг бу соҳадаги тажрибасини ўрганиш ва жорий этиш кўзда тутилган.

Учрашув натижаларига кўра Ўзбекистон Республикаси Инновацион ривожланиш вазирлиги ҳамда Туркия савдо палаталари ва товар биржалари уюшмаси Венчур капитал кенгаши ўртасида Англашув меморандуми имзоланди.

Томонлар қўшма венчур жамғармасини ташкил этиш билан бир қаторда икки давлат инновацион экотизимини ривожлантиришга қаратилган инвестицион ва венчур ҳамкорлик дастурларини амалга олишга келишдилар. Шунингдек, инновацион лойиҳалар, стартаплар ва бошқа истиқболли лойиҳаларга инвестиция киритиш мақсадида малакали инвесторлар капиталини яратиш, жамлаш ва бошқариш бўйича ҳамкорлик ўрнатилади. Мазкур соҳада ахборот алмашиш, юқори технологиялик стартап лойиҳаларни амалга ошириш ва молиялаштириш, турли тадбирлар, конференциялар, тренинглар ўтказиш, кадрларнинг малакасини ошириш ишлари олиб борилади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан