Туркия коронавирусга қарши вакцинани муваффақиятли синовдан ўтказди

Туркия коронавирусга қарши вакцинани муваффақиятли синовдан ўтказди

Ҳожеттепа университети тиббиёт факультети профессори Атеш Кара Туркияда коронавирусга қарши вакцина жониворларда муваффақиятли синовдан ўтказилганини маълум қилди, деб хабар бермоқда Sabah нашри.

«Яхши янгилик. Жониворларга лейкопластирда микроигна ёрдамида юборилган коронавирусга қарши вакцина антитанача ишлаб чиқариш кўринишида иммун жавоб берди. Энди одамларни ҳимоя қила олишини текшириб кўриш вақти келди», — деб ёзади Кара «Twitter» саҳифасида.

Сўнгги маълумотларга кўра, Туркияда жами 27 069 нафар инсон коронавирусдан касалланди. Уларнинг 574 нафари вафот этди, 935 нафари эса соғайиб кетган.