Туркиянинг собиқ бош вазири Йилдирим Қораденгиздаги табиий газ захираларининг 45 йил давом этишини айтди.

Туркия Қораденгиздаги газ захиралари дунёнинг 45 йиллик эҳтиёжларини қондиришга етади деди. Туркиядаги ҳукмрон Адолат ва тараққиёт партияси (AKP) раҳбари ўринбосари, собиқ бош вазир Бинали Йилдирим шундай баҳо берди. Унинг сўзларини Туркиянинг Milliyet газетаси келтирмоқда.

«Қора денгизнинг табиий газ захираси ҳозирда 540 миллиард куб метрга баҳоланмоқда. Бу ҳали бошланиши, балки газ захираси бундан ҳам кўп вақтга етиши мумкин. Қора денгиз 45 йил давомида дунёнинг газга бўлган эҳтиёжини қоплашга қодир», деди Йилдирим.

Ўз навбатида, Туркия энергетика ва табиий ресурслар вазири Фотиҳ Дўнмез Kriter нашрига берган интервьюсида мамлакат ушбу конни 2023 йил бошидан ишга тушириш ва қазиб олишни кунига 40 миллион куб метрга етказиш ниятида эканини айтган эди.