Туркия ТИВ курдлар ҳақидаги сўзлари учун АҚШ элчисини чақиртирди
10.02.2016 11:15,
1
Бунга АҚШ Давлат департаментининг вакили Жон Кирбининг Вашингтон суриялик курдларнинг «Демократик иттифоқ» партиясини террорчилик ташкилоти деб ҳисобламаслиги ҳақидаги баёноти сабаб бўлди. Бу ҳақда Reuters агентлиги хабар беради.
Туркия ҳукумати ушбу партияни автономлик ҳуқуқи учун турк ҳарбийлари билан курашаётган ва Туркия, АҚШ ва Европа Иттифоқида террорчилик ташкилоти деб ҳисобланувчи Курдистон ишчи партиясининг бир қисми, деб ҳисоблайди. Шунга қарамасдан, АҚШ Суриядаги ИШИД террорчи гуруҳи жангариларига қарши курашда суриялик курдларни қўллаб-қувватламоқда. Аввалроқ Жон Кирби Туркия президенти Эрдўғоннинг Анқара ва курдлардан бирини танлаш зарурлиги ҳақидаги сўзларини эслатган журналистларнинг саволига аниқ тушунтириш бера олмаган эди. У АҚШ ҳар иккала томон билан ҳамкорлик қилишини маълум қилган эди.