Туркия президенти Тайип Эрдоған барча халқаро авиапарвозлар тўхтатилиши ва мамлакат бўйлаб фуқароларнинг рухсатсиз сафар қилиши тақиқланиши ҳақида маълум қилди. Бу ҳақда у ТРТ канали эфирида айтди.

Президент ўз мурожаатида коронавирус тарқалишига қарши янги чора-тадбирлар жорий этилишини таъкидлади. Жумладан, халқаро авиапарвозлар вақтинча тўхтатилади. Бундан ташқари, мамлакат ичида сафар қилиш маҳаллий ҳокимиятлар рухсати билангина амалга оширилади.

"Биз курашни давом эттирамиз. Ҳеч қандай офат биздан кучли эмас", деди Эрдоған.

"Инсоният олдида турган эпидемия олдида буҳронларни енгиш учун Туркия учун катта "қурбонлар" бериш вақти келди. Қаршимизда турган хавф ўта жиддий", деди Туркия президенти.