Туркияга бормоқчи бўлган ўзбекистонликлар огоҳлантирилмоқда

Туркияга бормоқчи бўлган ўзбекистонликлар огоҳлантирилмоқда

Ўзбекистоннинг Истанбул шаҳридаги Бош консулхонаси Туркия Республикасига вақтинча ёки доимий яшаш мақсадида ташриф буюришдан аввал Ўзбекистон давлат ва хусусий идораларидан олинган барча ҳужжатларни апостиль қилишни тавсия қилмоқда.

Ўзбекистон Республикасининг қуйидаги ваколатли ташкилотларида хужжатларга Апостиль қўйилади:

•  Ўзбекистон Республикаси Адлия вазирлигида - судлар, адлия органлари ва муассасаларидан чиқадиган расмий ҳужжатлар бўйича;

•  Ўзбекистон Республикаси Бош прокуратурасида - прокуратура, тергов ва суриштирув органларидан чиқадиган расмий ҳужжатлар бўйича;

•  Ўзбекистон Республикаси Вазирлар Маҳкамаси ҳузуридаги Давлат тест марказида - таълим ва фан соҳаси ташкилотларидан чиқадиган расмий ҳужжатлар бўйича;

•  Ўзбекистон Республикаси Ташқи ишлар вазирлигида - судланмаганлик ва бошқа расмий ҳужжатлар бўйича.

Изоҳ: Ўзбекистон Республикасининг Истанбул шаҳридаги Бош консулхонаси ҳозирги кунда, фақатгина Ўзбекистоннинг ФҲДЁ органларидан олинган гувоҳномаларни нусхасини тасдиқлаш имконига эга яъни, никоҳ тузилганлиги, туғилганлик ҳамда ўлим ҳақидаги гувоҳномалар.