Ўчоғи Эгей денгизида, Туркия қирғоқларидан бир неча километр узоқликда бўлган зилзила натижасида Туркияда ҳамда Самос юнон оролида камида 25 киши ҳалок бўлди, 800 дан ортиқ киши жароҳатланди. Зилзила туфайли Туркиянинг 3 энг йирик шаҳри Измирда бир неча кўп қаватли бино қулаб тушди, Сефериҳисар тумани ва Самос оролида кичик цунами кузатилди.
Туркиянинг Кандили институти 6,9 балли зилзила маҳаллий вақт билан 2:51 да (Тошкент вақти билан 4:51) да содир бўлганини хабар қилди.
Туркия Табиий офатлар ва фавқулодда вазиятлар бошқармасига кўра, зилзиладан кейин 400 дан ортиқ силкинишлар содир бўлди.