Туркманистон Буюк Британиядан 1 миллион фунт эвазига 10 минг тонна қум сотиб олади, дея хабар берди Озодлик радиоси туркман хизмати. Aшхобод пойга йўлларини ушбу қум билан қоплаш учун Британиянинг Andrew Bowen Limited компанияси билан шартнома имзолаган.
Компания раҳбари Саймон Бовен "Aзатлик" радиосига айтишича, Туркманистондаги пойга йўлларини қоплаш учун зарур материаллар апрель ойининг бошларига қадар мамлакатга етказиб берилади.
Aшхабод ўзининг от пойга йўллари учун Британия компаниясидан 1 миллион фунт стерлингга 10 минг тонна қум сотиб олганлиги ҳақида Британия оммавий ахборот воситаларида хабар қилинган.
Қорақум саҳросининг 80 фоизини эгаллаган Туркманистон, Британиядан қум сотиб олиши кераклиги журналистларнинг ақлига сиғмаяпти, дея таъкидлайди Aзатлик радиоси.
– Туркманистондаги қум, пойга йўллари учун мос эмас, яъни қум зарралари думалоқдир. Пойга йўллари учун кўп бурчакли қум керак. Бизнинг қопламамиз жуда қулай бўлиб, ўта қаттиқ ва юмшоқ эмас. Ушбу қум отларнинг саломатлиги учун жуда фойдали, - деди Британия компанияси раҳбари Бовен.