Туркманистонда маҳаллий вақт билан соат 17:00да навбатдан ташқари президент сайлови овоз бериш участкалари ёпилди. Бу ҳақда ТАСС хабар бермоқда. 

"“Туркманистонда соат 17:00 га қадар сайловчиларнинг 93,19 фоизи президентлик сайловида овоз берди”, — дея хабар бермоқда Марказий сайлов комиссияси. 

Маълумот учун, шанба куни Туркманистонда навбатдан ташқари президентлик сайловларида овоз бериш жараёни бошланди. Республика президентлиги учун тўққиз номзод, жумладан, амалдаги президентнинг ўғли, Туркманистон ҳукмрон Демократик партиясидан номзод, вазирлар маҳкамаси раиси ўринбосари лавозимини эгаллаб турган Сердар Бердимуҳамедов курашмоқда. Мамлакат бўйлаб 2577 та сайлов участкаси очилган, 41 таси республика ташқарисида, шулардан учтаси Россияда. Ҳаммаси бўлиб 3,4 миллиондан ортиқ сайловчи рўйхатга олинган.