"Нафтогаз Украина" Америка компанияларини газ конларини ўзлаштиришга жалб қилмоқчи, деди компания раҳбарининг маслаҳатчиси Мирон Василик Британиянинг The Daily Telegraph газетасига.

Василикнинг сўзларига кўра, "Нафтогаз" аллақачон АҚШнинг қатор компаниялари билан газ захираларини қидириш бўйича қўшма битимлар тузиш юзасидан музокаралар ўтказган. "Яқин келажакда компания инвесторларга бир қанча лойиҳаларни тақдим этишни бошлайди", деди у.

"Украина Европада газ ресурслари ва захиралари бўйича иккинчи ўринда туради. Қидирув ва экспорт салоҳияти мавжуд. Бизнинг ҳисоб-китобларга кўра, 40 миллиард кубометр захира ҳақида гапириш мумкин", — деди Василик.

Компания катта захираларни, жумладан, Днепр-Донетск ҳавзасидаги захираларни аниқлади ва уларнинг ўзлаштирилишини кутмоқда. "У ерда катта конлар бор, лекин бу ўн йилликнинг иккинчи ярмигача ўзини намоён қилмайди. Бизда ҳозирда ўзлаштирилмаган бир қанча конлар бор", - деди "Нафтогаз" раҳбари маслаҳатчиси.

Василик Украинанинг газ захираларини ўзлаштириш Европанинг келажакдаги газга бўлган эҳтиёжини қондиришга ёрдам беришига ишонади.

Аввалроқ Украина Бош вазири Денис Шмыгал Европага газ инқирозини енгиб ўтишда Украина газ омборларидан фойдаланишни таклиф қилган, унинг ҳажми 30 миллиард куб метрга этади. 

Шмыгал, шунингдек, Украина можарога қарамай, Европага газ транзити бўйича барча мажбуриятларини бажараётганини таъкидлади.