Киев Эронни уриб туширилган самолёт учун Эроннинг айбини тўла тан олишини талаб қилмоқда. Бу ҳақда Украина президенти Владимир Зеленскийга таяниб, ТАСС хабар бермоқда.

“Бугун тонг хайрли отмади, лекин бугун ҳақиқат айтилди. Халқаро комиссия ишини тугатишидан олдин Эрон украин самолёти уриб туширилганини тан олди. Лекин биз тўлиқ жавобгарлик олинишини талаб қиламиз”, - дейилади президентнинг расмий телеграм каналида.

Зеленский Эрондан "тўлиқ ва очиқ терговни, айбдорларни жавобгарликка тортишни, марҳумларнинг жасадларини қайтаришни, компенсацияларни тўлашни, дипломатик каналлар орқали расмий узр сўрашни" кутишини қўшимча қилди.

Украина Президенти, шунингдек, "тергов сунъий кечикишлар ва тўсиқларсиз давом этишига" умид билдирди. "Бизнинг 45 мутахассисимизга одил судловни амалга ошириш учун тўлиқ имконият ва ўзаро таъсир кўрсатилиши керак", - дея хулоса қилади Зеленский.

Шанба куни тонгда Эрон Қуролли кучлари бош штаби Украина самолёти инсон омили туфайли қасддан бўлмаган бахтсиз ходиса эканлиги тўғрисида баёнот берди.

Хусусан, мамлакат президенти ушбу воқеадан чуқур афсусда эканлигини билдирган бўлса, ташқи ишлар вазири Жавод Зариф ўз Твиттерида “…Халқимиздан, барча халок бўлганлар оила аъзоларидан ва бошқа жабрланган миллатлардан узр сўраймиз ва чуқур ҳамдардлик билдирамиз”, - деди.