Украина ҳукумати Германиядан 7,4 миллион евро миқдорида кредит олади, дея хабар бермоқда "ТАСС” Германия тикланиш кредит муассасасига (KfW) таяниб.

Маълум қилинишича, KfW кредитор сифатида ишлайди ва маблағлар кичик ва ўрта корхоналарга йўналтирилади.

«Лойиҳани амалга ошириш учун KfW кредит (етти миллион евро) ва грантлар (0,4 миллион евро) маблағларини жалб қилади. Кредит Украина ҳукумати томонидан 30 йил муддатга, 10 йиллик имтиёзли давр билан жалб қилинган.

Пул олувчиси Тадбиркорликни ривожлантириш жамғармаси бўлиб, уни ҳамкор банклар орқали тақсимлайди. Шу билан бирга, тўғридан-тўғри қарз олувчилар Гривнада кредит оладилар. Бошқа нарсалар қаторида, кредитлаш дастури молия институтларининг ликвидлигини қўллаб-қувватлашга ёрдам бериши кутилмоқда.