Украинанинг янги соғлиқни сақлаш вазири Зоряна Скалетскаянинг таъкидлашича, сўнгги беш йил ичида мамлакатда туғилиш даражаси 40 фоизга камайди. Бу ҳақда ТАСС хабар бермоқда.
Вазир Украина аҳолисининг умр кўриш давомийлигини ошириш ва туғилишни кўпайтириш келгуси хизмат фаолиятининг асосий вазифаларидан деб атади.
Бундан ташқари, у Украинадаги салбий эпидемиологик вазиятга қарши кураш тўғрисида гапириб, мамлакатда марказлашган ягона чора-тадбирлар мажмуи мавжуд эмаслигини таъкидлади.
Аввалроқ Украина собиқ Бош Вазири Николай Азаров “Украина ўлиб бормоқда. Аҳоли сони камайиб, ўлим ортиб кетмоқда" деган эди.