Украинадан эвакуация қилинган Ўзбекистон фуқароларини олиб келиш учун Тошкентдан Полшага иккинчи махсус самолёт учди. Бу ҳақда “Дунё” АА хабар берди.
Самолёт Тошкент вақти билан 21:00 атрофида Польшага етиб келиши кутилмоқда.
Ўзбекистоннинг Киевдаги элчихонаси маълумотларига кўра, фуқароларни Лвов шаҳридан “Катовице” назорат-ўтказиш пунктигача етказишни тезлаштириш мақсадида 7 та автобус ижарага олинган.
Шу билан бирга, Ўзбекистон фуқаролари ўз ватанларига уюшқоқлик билан жўнаб кетиш учун Украинанинг Лвов шаҳрида қолишда давом этмоқда.