UniCreditбанки 2023 йилда Европа иқтисодиёти рецессиядан қочиб қутула олади ва эҳтимол бироз ўсади, деб кутмоқда. Давосдаги форумда ташкилот прогнозларини банк бош ижрочи директори Андреа Орсел тақдим этди, деб ёзади Bloomberg.

Минтақа ялпи ички маҳсулоти давом этаётган хавф-хатарларга, жумладан, Украинадаги можаронинг кучайишига қарамай ошиши мумкин, деди у. Европадаги иқтисодий вазиятнинг яхшиланиши банк фаолиятига бевосита таъсир қилади - масалан, UniCreditпотенциал равишда инвесторларга 2022 йил учун ўтган йилга нисбатан юқори дивидендлар тўлаши мумкин.

Кўпгина жаҳон молиявий ташкилотлари ижобий динамикани кўрмоқда – масалан, евроҳудудда рецессиянинг йўқлиги аввалроқ Goldman Sachs иқтисодчилари томонидан башорат қилинган эди. Уларнинг ҳисоб-китобларига кўра, жорий йилда ЯИМ 0,6 фоизга ўсади, аввалги прогнозга кўра, 0,1 фоизга пасайиш кўзда тутилган эди. Иқтисодчилар, шунингдек, инфляция кутилганидан тезроқ пасайиб, 2023 йил охирига келиб 3,25 фоиз атрофида бўлишини тахмин қилмоқда.

Хусусан, минтақанинг энг йирик иқтисодиёти бўлган Германия, Болтиқбўйи ва Шимолий денгиз соҳилларида янги суюлтирилган газ терминаллари қувватини ошириш ҳисобига янги газ етказиб бериш эвазига таназзулга юз тутмайди.