Миллиардер Уоррен Баффетга тегишли Berkshire Hathaway ҳолдинг компанияси дунёнинг машҳур бир канча брендлар (Apple, Coca cola, Bank of America, American ekspress, Verizon) акцияларига эгалик қилади.
2022 йилнинг II чорагида мазкур ҳолдинг Apple акцияларидаги улушини кўпайтирган ва IT гигантнинг ҳолдинг портфелидаги улуши 40% га етган. Шу билан бирга ҳолдинг охирги 2 йилдан бери эгалик қилиб келаётган Американинг машҳур Verizon бренди акцияларини сотган.
Баффет ҳолдинг компанияси 3,88 млн.та Apple'га тегишл қимматли қоғозларни ўртача хар бирини 151,1 доллардан сотиб олган ва II чорак якуни бўйича ҳолдинг Apple'нинг жами қиймати 122,34 млрд.долларга тенг бўлган 894,8 млн.та акцияларига эгалик қилмоқда. Шу тариқа Apple миллиардернинг инвестицион компанияси қийматини белгилаб берадиган асосий бизнесларидан бирига айланди.