Урганч-Москва рейсидаги учоқда 63 ёшли йўловчи вафот этди. Марҳум Россия фуқароси эканлиги айтилмоқда.
Воқеа 25 январь куни содир бўлган. Хабарда айтилишича, йўловчилардан бирининг аҳволи ёмонлашган ва экипаж тезкор энг яқин аэропортда қўнишни сўраган.
Самолёт Оренбургдаги аэропортга қўнган, аммо йўловчининг ҳаётини сақлаб қолишнинг имкони бўлмаган. Аэропортга етиб келган тез ёрдам бригадаси эркакни кўздан кечирган ва биологик ўлим ҳолатини қайд этган.
“Россия Федерацияси Марказий Тергов қўмитаси транспорт бўйича минтақалараро бошқармаси воқеа билан боғлиқ ҳар бир эҳтимолни синчиклаб ўрганади. Текширув натижасига кўра процессуал қарор қабул қилинади” – деб хабар берган Россия тергов қўмитаси транспорт бўйича минтақалараро бошқармаси матбуот хизмати.