Уруш бошланганидан кейин 5 миллиондан ортиқ украиналиклар чет элга кетган - БМТ. Бу ҳақда "BBC news" манбаси хабар берди.

Украина шаҳарларининг кенг кўламли ўққа тутилиши Иккинчи Жаҳон урушидан бери Европага қочқинларнинг энг катта оқимини келтириб чиқарди: 24 февралда Россия босқинининг бошланишидан бери, БМТ Қочқинлар бўйича Олий Комиссарлигининг янги маълумотларига кўра, 5,1 миллион киши Украинани тарк этган.

Кетганларнинг 90 фоизини аёллар ва болалар ташкил этади, ҳарбий ёшдаги эркаклар мамлакатни тарк этишга рухсат этилмайди.

Бундан ташқари, 7,7 миллион киши ички кўчирилган ҳисобланади, яъни улар мамлакатда қолган, лекин ўз уйларини тарк этишга мажбур бўлган.

Қочқинларнинг асосий қисми Полша (2,8 миллиондан ортиқ), Руминия (769 мингдан ортиқ) ва Молдовага (430 мингдан ортиқ) кетган. Шундан сўнг, БМТнинг Қочқинлар бўйича Олий комиссарлиги маълумотларига кўра, кўпчилик Ғарбга йўл олди.

Россияга 578 минг украиналик кетган.

Урушдан олдин Украинада 37 миллиондан ортиқ одам яшаган (аннексия қилинган Қрим ва ўзини ўзи эълон қилган ДХР ва ЛХР назорати остидаги ҳудудларни ҳисобга олмаганда).