Коронавируснинг янги тури тарқалиши муносабати билан Хитойнинг Ухан шаҳри блокадаси икки ҳафта ичида тўлиқ олиб ташланиши мумкин. Бу ҳақда South China Morning Post нашри шаҳар маъмуриятининг баёнотига асосланиб хабар берди.
Ҳозирда Хубей повинциясининг қолган қисмида чеклов чоралари олиб ташланмоқда, дейилади баёнотда. Хусусан, 80 та темир йўл вокзалининг иши тикланди ва яқин келажакда аэропортлар тикланади. Таъкидланишича, вилоят ташқарисида саёҳат қилиш учун тиббий маълумотнома талаб қилинади.
2019 йил 31 декабр куни Хитой ҳукумати Ухан шаҳрида пневмония тарқалишини эълон қилди. Касалликнинг қўзғатувчиси бу COVID-19 расмий номи берилган коронавируснинг янги тури.
11 март куни Жаҳон соғлиқни сақлаш ташкилоти (ЖССТ) янги коронавирус пандемияси тарқалишини эълон қилди.