Уйида гиёҳвандлик моддасини сақлаётган шахс аниқланди

Уйида гиёҳвандлик моддасини сақлаётган шахс аниқланди

Фурқат тумани. 23 февраль куни ўтказилган тезкор тадбири давомида, Узунчек қишлоғида яшовчи Ў.Б.ни яшаш хонадони холислар иштирокида кўздан кечирилганда, хонадонида “кўкнор сомони” гиёҳвандлик моддаси сақлаб келаётганлиги аниқланиб, далилий ашё тариқасида олинган. Бу ҳақида Фарғона вилояти ИИБ Ахборот хизмати бермоқда.

Ҳолат юзасидан Фурқат тумани ИИБ ҳузуридаги тергов бўлими томонидан Жиноят кодексининг 276-моддаси 1-қисми билан жиноят иши кўзғатилиб, тергов ҳаракатлари олиб борилмоқда.

Эслатиб ўтамиз, Жиноят кодексининг 276-моддаси 1-қисмида кўрсатилган жиноятни содир этган шахс уч йилгача озодликдан маҳрум қилиш билан жазоланиши мумкин.