Жорий йилнинг учинчи чорагида “UzAuto Motors” компаниясининг соф тушуми 26,5 трлн сўмни ташкил этди. Бу ҳақда компаниянинг молиявий ҳисоботида келтирилган.

Бу кўрсаткич ўтган йилнинг мос даврига нисбатан 72% га ошган. Ўтган йили компания тушуми 15,4 трлн сўмни ташкил этганди.

Компания жорий йилнинг январь-март ойларида 8,67 трлн сўм даромад олганди.

Шу вақт ичида ишлаб чиқарилган маҳсулотлар таннархи 81,3% — 12,3 трлн сўмдан 22,3 трлн сўмга ошди.

Бу даврда автосаноат харажатлари 2,4 трлн сўмни ташкил этди. Бундан ташқари даромад солиғини тўлашга 357 млрд сўм ажратилган.

Учинчи чоракда “UzAuto Motors” нинг соф фойдаси 1,8 трлн сўмни ташкил этди. Натижада компаниянинг соф фойдаси ўтган йилнинг мос даврига нисбатан (1,25 трлн сўм) 46,4%га ўсган.

1 ноябрдан компания “Chevrolet Onix” автомобилини сотувга чиқарди. Бир кунда тузилган 30 мингга шартноманинг 28 мингдан ортиғи янги автомобиль учун тузилган.