"Uzbekistan Airways" талабалар учун чегирма эълон қилди
17.11.2022 20:23,
73
"Uzbekistan Airways" қишки таътил олдидан талабалар учун чегирма эълон қилади. Бу ҳақда компания ахборот хизмати хабар берди.
Хабарда айтилишича, авиакомпания фақат талабалар учун 22 декабрдан 10 январгача амалга ошириладиган маҳаллий авиақатновларга эконом-класс учун 50 фоиз чегирма эълон қилди.
Бунинг учун "Uzbekistan Airways Sales" филиалига ёки ҳудуддаги аэропорт авиакассасига келиб, талабалик гувоҳномаси, ўқиш жойидан маълумотнома ва паспорт ёки ID-картани тақдим этиш керак бўлади.