Италиянинг Венето вилояти ҳудудидаги барча мактаблар коронавирус тарқалиши хавфи туфайли ёпилди. Бу ҳақда вилоят губернатори Лука Дзайяга таяниб, ANSA агентлиги хабар берди.
Мактаблар 2020 йил 1 мартгача ёпиқ бўлади, деди Дзайя. Бу ҳақдаги қарор губернатор ва Соғлиқни сақлаш вазири Роберто Сперанц билан ҳамкорликда қабул қилинган.
Губернатор келтирилган ноқулайлик учун узр сўраб, инсонлар соғлиги биринчи ўринда туришини таъкидлади.