Венеранинг юқори қатламида баъзи тирик организмлар томонидан ишлаб чиқарилган фосфин газининг излари топилди. Бу ҳақда Буюук Британия Қироллик астрономия жамияти хабар бермоқда.
Кашфиёт Кардифф университети (Буюк Британия) ва Массачусетс технология институти (АҚШ) олимлари томонидан Гавайидаги Жеймс Кларк Максвелл телескопи ва Чилидаги Атакама катта миллиметр тўлқинли антенна массиви ёрдамида амалга оширилди.
Воқеани шарҳлар экан НАСА директори Жим Брайденстайн Венерага энг устувор вазифа сифатида қараш вақти келганини айтди.
Life on Venus? The discovery of phosphine, a byproduct of anaerobic biology, is the most significant development yet in building the case for life off Earth. About 10 years ago NASA discovered microbial life at 120,000ft in Earth’s upper atmosphere. It’s time to prioritize Venus. https://t.co/hm8TOEQ9es
— Jim Bridenstine (@JimBridenstine) September 14, 2020
"Анаэроб биологиянинг ён маҳсулоти бўлган фосфиннинг аниқланиши, Ердан ташқари ҳаёт яратиш учун энг муҳим воқеа", - деб ёзди Брайденстайн ўзининг Твиттер саҳифасида.
Фосфин – рангсиз, жуда заҳарли газ. Ерда у кислородни талаб қилмайдиган анаероб микроорганизмлар томонидан ишлаб чиқарилади. 2019 йилда экзопланеталар (бошқа юлдузлар атрофидаги сайёралар) атмосферасида фосфинни излаш улардаги мумкин бўлган ҳаётнинг белгиси сифатида таклиф қилинган.