Венгрияда президент лавозимини илк бор аёл киши эгаллайди
11.03.2022 07:59,
78
Венгрия парламенти оила, ёшлар ва халқаро алоқалар вазири Каталин Новакни мамлакатнинг янги президенти этиб сайлади. Бу ҳақда Риа Новости маълум қилди.
Қайд этилишича, Каталин Новак бу лавозимдаги биринчи аёл бўлди.
Венгрия Миллий ассамблеяси пайшанба кунги йиғилишда бош вазир Виктор Орбан Фидес бошчилигидаги ҳукмрон партия раиси ўринбосари, оила, ёшлар ва халқаро алоқалар вазири Каталин Новакни мамлакатнинг янги президенти этиб сайлади. 199 депутатдан 137 нафари Новакга овоз берди.
Маълумот учун, 44 ёшли Новакнинг сайловдаги рақиби мухолифат коалициясидан 80 ёшли номзод, иқтисодчи Питер Рона бўлди.