«Халқ банки» филиали бошқарувчиси 10 миллион сўм пора билан қўлга олинди
20.09.2019 12:15,
1161
Бош прокуратура ҳузуридаги Департаментнинг Бўз туман бўлими бошқа ҳуқуқни муҳофаза қилувчи орган ходимлари билан ҳамкорликда ўтказилган тезкор тадбирда, АТ «Халқ банки» Бўз туман филиали бошқарувчиси А.А. «М» МЧЖ билан тузилган шартномага асосан ўз маблағлари ҳисобидан иссиқхоналарни қуриб битказганлиги учун Ўзбекистон фермер, деҳқон хўжаликлари ва томорқа ер эгалари кенгаши жамғармасидан ажратилган 66 млн. сўмни «М» МЧЖ ҳисоб рақамига ўтказиб бериши эвазига жамият раҳбари Ф.А.дан 10 млн. сўм пора талаб қилиб олаётган вақтида ашёвий далиллар билан ушланган.
Макур ҳолат юзасидан А.А.га нисбатан Жиноят кодексининг 210-моддаси билан жиноят иши қўзғатилиб, тергов ҳаракатлари олиб борилмоқда.