Xiaomi компанияси бошлиғи Лей Цзунь янги флагман — Mi 9 Pro 5Gни тақдим этди. Бу ҳақида Ixbt.com хабар қилмоқда.
Компаниянинг Хитойдаги расмий дўкони Xiaomi Mall’да савдолар бошлангунга қадар янги моделни олиш учун 1,86 миллиондан ортиқ буюртмалар қабул қилинган.
Смартфон процессори Qualcomm Snapdragon 855 Plus тизимида ишлайди ва 5Gни қўллаб-қувватловчи янги моделга алоқа сифатини таъминлаш учун еттита антенна ўрнатилган.
Гаджетни исиб кетишдан ҳимоялаш мақсадида иссиқлик трубкаси ёрдамида янгиланган совутиш тизими ўрнатилган. 30 Вт қуввати бўлган симсиз зарядлаш ускунаси смартфонни 69 дақиқада тўлиқ қувватлантира олади.
Mi 9 Pro 5G камераси 48, 16 ва 12 мегапикселли тасвир, сенсорлар ва янгиланган фокус тизими билан жиҳозланган. Олд камера 20 мегапикселгача бўлган суратга олиш имкониятига эга.
Аввалроқ, Mi 9 Pro 5G NFC (контактсиз алоқа) модулига эга бўлиб, унда қурилма харидларни тўлаш ва машинани очиш имкониятига эга бўлади. Машинани очиш функцияси фақатгина Xiaopeng Motors электр автомобиль эгалари учун мавжуд бўлади.