Йилнинг биринчи ярмида Хитойнинг Realme, Vivo, Mi, Tecno, Infinix, iTel ва Nokia смартфон брендлари (Nokia бренди остида смартфонларни чиқариш ҳуқуқи Хитойнинг HMD Global холдингига тегишли) сотувлар ҳажми бўйича етакчи бўлди деб ёзади «Коммерсант».

Хитойдан брендлар Россия бозорини эгаллашга киришдилар. Йиллик 100 фоиздан ортиқ ўсишни Tecno, Infinix, Realm ва Xiaomi кўрсатди. Масалан, 2021 йилнинг биринчи ярмида 498 мингта Realme смартфони сотилган бўлса, 2022 йилнинг шу даврида 1,1 миллион дона сотилган. Шу билан бирга, Apple компаниясининг улуши ўтган йилга нисбатан 14 фоизга, Samsung'ники эса 15 фоизга камайди.

GS Group таҳлилий маркази раҳбари Александр Сурков чакана савдо тармоқлари унчалик таниқли бўлмаган Хитой компаниялари билан узоқ муддатли шартномалар тузишга мажбур бўлишига ишончи комил.

«Аслида, Хитой технология брендлари Россиядаги бутун бозорнинг 90 фоизини эгаллайди, шундан сўнг улар ўзларининг экотизимларини яратишни бошлайдилар, бу эса охир-оқибатда ўз мавқейини янада мустаҳкамлайди», деди у.

Аввалроқ президент Владимир Путин Хитой автомобилларининг Россия бозоридаги улушини ошириш режалари муҳокама қилинаётганини маълум қилганди.