Apple'нинг iBooks ва iTunes филмлар хизматлари, Хитойда йўлга қўйилганидан 7 ой кейин аҳолиси энг кўп бўлган мамлакатда тўсиб қўйилди. Бу ҳақда CNN хабар беради.

«Биз Хитойдаги мижозларимиз учун китоблар ва филмлар савдосини қайтатдан йўлга қўйишга бор имконимизни ишга соламиз. Улар нега бизнинг хизматларимизни тўсиб қўйишганларини очиқ айтишмаябди» дейилган Apple'нинг расмий баёнатида.

Тахминларга кўра Apple'нинг бу хизматларини Хитой ҳудудида ёпиб қўйилиши, Хитой ҳукуматинг «чет эл филмларига ўрнатилган чекловлари» билан боғлиқ.

Эслатиб ўтамиз, Хитой АҚШдан сўнг Apple махсулотлари энг кўп сотиладиган ҳудуд ҳисобланади. 2015-йилда компания Хитойда 18,4 миллиард доллар даромад кўрган.