Хитойнинг иккита йирик уяли алоқа операторлари – China Telecom ва China Mobile – Осиё ва Европа ўртасида интернет алоқасини яхшилаш мақсадида ётқизилаётган сув ости телекоммуникация кабелини қуриш бўйича Sea-Me-We 6 лойиҳасида иштирок этишдан бош тортди. Бу ҳақда Financial Times хабар бермоқда.

Лойиҳа раҳбарияти кабель ётқизиш бўйича Хитойнинг Hengtong Marine компаниясидан Американинг SubCom корпорациясини афзал кўрганидан кейин чекиниш қарори қабул қилинди.

Нашр суҳбатдошига кўра, Хитойнинг икки компанияси ўз қийматининг 20 фоизини лойиҳага киритган. Шу билан бирга, Хитойнинг яна бир компанияси – China Unicom ҳали Sea-Me-We 6ʼдан чиқишини эълон қилгани йўқ. Ташкилот инвестициялар ҳажмини ошкор қилмади.

Газетанинг ёзишича, лойиҳанинг амалга оширилиши ҳолати Вашингтон ва Пекин ўртасидаги глобал онлайн-трафик инфратузилмасини назорат қилиш борасидаги кескинлик даражасини кўрсатади.

“Sea-Me-We 6” лойиҳасини амалга ошириш қиймати 500 миллион долларга баҳоланган. 2025 йилгача 19,2 минг км кабель линиялари Жануби-Шарқий Осиё, Яқин Шарқ ва Ғарбий Европани боғлаши керак эди.