21 март куни Хитойда ҳалокатга учраган Boeing 737 самолётининг барча 132 йўловчиси ва экипаж аъзолари ҳалок бўлган деб эълон қилинди. Бу ҳақда Хитой Халқ Республикаси Фуқаролик авиацияси бошқармаси бошлиғи ўринбосари Ху Чженхун шанба куни бўлиб ўтган матбуот анжуманида маълум қилди.
«21 март куни учган China Eastern Airlines MU5735 рейси бортидаги барча 123 йўловчи ва тўққиз экипаж аъзоси ҳалок бўлди», деди у Хитой марказий телевидениеси томонидан эфирга узатилган матбуот анжуманида .
«Ишонч билан айтишимиз мумкинки, қидирув-қутқарув операцияси давомида бортда бўлганлардан бирортасининг ҳаёт белгиларини аниқлашнинг имкони бўлмади. ДНК таҳлили орқали 120 нафар ҳалок бўлганларнинг шахсини аниқлаш мумкин бўлди», - дея қўшимча қилди департамент вакили.