Хитойнинг Dalian TV телеканали бошловчисини жонли эфир вақтида чақмоқ урди, деб хабар қилмоқда South China Morning Post нашри.
Таъкидланишича, ҳодиса Лу Сяодун кўчада туриб, об-ҳаво ҳақида гапираётган вақтда юз берган. Бу вақтда шаҳарда момақалдироқ бўлган.
"Жэньминь жибао" нашри Ютубда эълон қилган видеода эфир вақтида фавқулодда ёруғлик юз берган, шундан сўнг диктор бақирган ҳолда соябонни четга улоқтирган. Тахминларга кўра, чақмоқ айнан соябонга келиб тушган.
"Қўлим қотиб қолди, қўлим ва соябон дастагида электр токи чиқарадиган учқунларга ўхшаш зарраларга кўзим тушди", дея иқтибос келтирган South China Morning Post нашри бошловчи сўзларидан.
Шу билан бирга, бошловчи учқунлар разряди унчалик кучли бўлмаганига иддао қилган ҳолда, улар видеода акс этмаганини қайд этган.