Хитойда nCovid-2019 коронавирусидан вафот этган биринчи бемор жасадининг патологик текширув натижалари эълон қилинди.

Хитойлик мутахассисларнинг ҳисоботи "Journal of Forensic Medicine" журналида эълон қилинди.

Январ ойида такроран мия инфаркти билан касалхонага ётқизилган 85 ёшли эркак инфекциядан вафот этган биринчи одам бўлди. Дастлаб унда коронавирус аломатлари кўринмади, аммо даволанишнинг 10-кунида у томоқ оғриғи ва иситма билан безовталикни келтириб чиқарди.

Компьютер томографияси беморнинг ўпкасида юқумли ўчоқларнинг мавжудлигини аниқлади. Уч кундан кейин унда nCovid-2019 борлиги тасдиқланди ва касалхонага ётқизилган куннинг 28-кунида коронавирусдан вафот этди.

Текширув шуни кўрсатдики, вирус нафас олиш йўллари ва ўпка алвеолаларининг чуқур қисмлари емирилади. Бундан ташқари, патологик жараёни ноодатий пневмония (SARS)га жуда ўхшаш.

SARS билан солиштирганда, nCovid-2019 нинг ўпка ичидаги сиқилиш босими ва фиброз SARS каби унчалик жиддий эмас, аммо SARSга қараганда экссудатив реакция кўпроқ сезилди, дейилади ҳисоботда.

Мутахассисларнинг таъкидлашича, вируснинг бошқа ички органларга юқиб емирилишини аниқлаш ҳозирча мумкин эмас. Бу қўшимча тадқиқотларни талаб қилади.

Хитойда коронавирус инфекциясининг тарқалиши ўтган йилнинг охирида маълум бўлди. Сўнгги маълумотларга кўра, тасдиқланган ҳолатлар сони 78 824 га етди. Қурбонлар сони 2700 кишидан ошди.