Беларус президенти Александр Лукашенко коронавирусни аниқлаб берадиган Россия синов тизимларини танқид қилган эди.
Президентнинг сўзларига кўра, русларнинг тест тизимлари тез-тез нотўғри натижа кўрсатмоқда.
Роспотребнадзор таъкидлашича, «Вектор» давлат марказида ишлаб чиқилган тизимлар кўп жиҳатдан хорижий аналогларидан устундир. Уларнинг самарадорлигини турли мамлакатлар тизимларининг қиёсий синовларини ўтказган хитойлик шифокорлар тасдиқлашди.
Хабарда айтилишича, айнан шундай тест тизимлари орқали Беларусда коронавирусни юқтириб олган биринчи беморлар аниқланган.
Роспотребнадзор, шунингдек, Москва Минскка 14 мингта тизимни бепул берганлигини эслатиб ўтмоқда.
Умуман олганда, Россия 30 дан ортиқ мамлакатларга 400 мингга яқин тест тизимларини бепул етказиб берган.