Хитойлик тадбиркор Ю Сиаонингга тегишли тиббий ниқоблар ишлаб чиқарувчи Dawn Polymer компанияси Хитой бозорининг 40 %ига эгалик қилади. У коронавирус туфайли энг кўп фойда олган оз сонли тадбиркорлардан бири.
"Тиббий ниқоблар ишлаб чиқариш Ю учун пул чоп этишга ўхшаб қолган" деб ёзмоқда Financial Times.
Ҳозирда тиббий ниқоблар учун глобал миқёсда ажиотаж талаб юзага келган. Дунё ҳукуматлари деярли ҳар бир фуқароси учун ниқоблар харид қилмоқда ёки ушбу соҳада имтиёзлар тақдим қилмоқда. Масалан, Ўзбекистонда тиббий ниқоб ишлаб чиқариш учун бериладиган лицензия бекор қилинди. Қозоғистон аҳолига бепул тиббий ниқоблар тарқатмоқда.
Хитой Ухандаги пневмония тарқалиши ҳақида маълум қилгандан 6 ҳафта ўтиб, компания акциялари 417 %га ошди.
Dawn Polymer 2002 йилда жаноб Ю томонидан асос солинган.