Оғир вазн тоифасидаги собиқ машҳур боксчи Эвандер Холифилд Тайсон билан бўлган жанг унинг ҳаётини қандай ўзгартириб юборганини гапириб берди.
1997 йилда афсонавий жанг бўлиб ўтди. Унда Тайсон рақиби қулоғининг бир қисмини узиб олди.
“Бир томондан, бу жуда ёмон лаҳзалар, аммо айни пайтда яхши дақиқалар эди. Биринчидан, мен 35 миллион доллар ишладим, иккинчидан, жаҳон чемпиони бўлдим. Аммо, эҳтимол бу воқеадаги энг муҳим нарса, мен кечиришни ўргандим. Қандай бўлмасин, кечиришни ўрганиш керак. Мен буни Худога ишонганим туфайли англадим" деди боксчи.
"Мен Тайсонни дўстим деб айтмас эдим, лекин у душманим ҳам эмас эди. Ахир, одам ҳамма билан дўст бўлолмайди. Менинг оила аъзоларим бор, у билан эса унчалик таниш ҳам эмасман. Шунинг учун айтмоқчиманки, сиз ҳаммага яқин бўлолмайсиз. Шундай қилиб, Майк билан бизда биргаликдаги тадбирлар жуда кўп, аммо ҳар биримиз ўз ҳаётимизни яшаймиз. Мен унга ҳеч қачон ёмонлик қилмаганман ва қилмайман ҳам. Аммо Майк мени ёқтирмайдиган битта жиҳат бор — мен Майкдан кўра кўпроқ жаҳон чемпиони бўлганман (кулади)” ,– дейди спортчи Спорт Экспрессга берган интерюсида.