Хоразмда 4 ёшли бола авария оқибатида вафот этди
13.05.2020 11:12,
443
12 май куни соат 19:00 ларда Хоразм вилояти, Янгибозор тумани, Қаландўрман қишлоғи ҳудудидан ўтган ички 4К-928 автомобиль йўлида авария содир бўлди.
ИИВ ЙҲХББ Ахборот хизматининг маълум қилишича, ҳайдовчи А.С. “Матиз” автомобилини тезлигини меъёридан оширган ҳолда бошқаради. Натижада, йўл четида ҳаракатланиб кетаётган 2008 йилда туғилган З.Ў. ушлаб кетаётиб, қўлидан чиқиб йўлга югуриб чиққан 2016 йилда туғилган М.Ж.ни уриб юборган.
Оқибатда, пиёда вояга етмаган 4 ёшли М.Ж. олган тан жароҳатлари оғирлиги сабабли шифохонада вафот этган.
Мазкур ҳолат юзасидан Янгибозор тумани ИИБ ТГ томонидан суриштирув ишлари олиб борилмоқда.