Халқаро валюта жамғармаси (ХВЖ) АҚШ ялпи ички маҳсулотининг 2022 йилга ўсиши прогнозини 2,3 фоизгача пасайтирди, 2023 йилда эса ўсиш суръати бир фоиз даражасида бўлиши кутилмоқда. Бу ташкилотнинг 12 июль, сешанба куни чоп этилган ҳисоботидан келиб чиқади.

Шундай қилиб, жамғарма АҚШ ялпи ички маҳсулоти ўсиши прогнозини апрель ойидаги тахминларига нисбатан 2022 ва 2023 йилларда 1,4 ва 1,3 фоизга пасайтирди.

Аввалроқ ХВЖ АҚШнинг замонавий тарихдаги энг юқори ЯИМ ўсишини башорат қилган эди. Халқаро ташкилот прогнозига кўра, агар АҚШ қонунчилари президент Жо Байденнинг иқтисодий ташаббусларини маъқулласа, Америка иқтисодиёти жорий йилда 7 фоизга ўсади. Ташкилот экспертларининг фикрича, 2022 йилда АҚШ иқтисодиёти пандемия оқибатларидан тикланишда давом этади ва мамлакат ялпи ички маҳсулоти 4,9 фоизга ошади.