Яна бир миллиардернинг қимматбаҳо яхтаси ҳибсга олинди
12.03.2022 17:06,
92
Италия молия гвардияси россиялик тадбиркор Aндрей Мелниченконинг «A» яхтасини ҳибсга олди, деб хабар бермоқда Repubblica. Унинг нархи 530 миллион еврога баҳоланган.
«А» яхтаси – дунёдаги энг катта елканли кема ҳисобланади. Кема машҳур француз дизайнери Филипп Старк томонидан ишлаб чиқилган. Яхта 2008 йилда Германиянинг Кил шаҳрида фойдаланишга топширилган.
Мельниченко Россиянинг Украинадаги ҳарбий амалиёти натижасида 9 март куни Европа Иттифоқининг санкциялар рўйхатига киритилган эди.
Forbesнинг энг бой одамлар рейтингида у Россияда тўққизинчи ва дунёда 165-ўринда (11,6 миллиард доллар), Bloomberg рейтинги бўйича эса Россияда иккинчи ва дунёда 66-ўринда (21,4 миллиард доллар) қайд этилган.