Apple Watch 8 стандарт моделлари янгиланган дизайнни қабул қилмайди, дея хабар беради Apple Insider портали Shrimpapppro Insider'га асосланиб. Apple Watch Pro модели учун муҳим янгиланишлар режалаштирилган.

Shrimpappplepro "Apple Watch Series 8"нинг дизайни еттинчи авлод билан бир хил бўлишини таъкидлайди. Гаджетлар 41 мм ва 45 мм ўлчамдаги алюминий ва зангламайдиган пўлатдан ясалган қутиларда сотилади.

Стандарт Apple Watch Series 8 қуйидаги рангларда мавжуд бўлади: midnight, Starlight, Silver ва (PRODUCT) Red алюминий корпусда, Silver ва Graphite эса зангламайдиган пўлатдан ясалган моделда намойиш этилади. 

Шундай қилиб, соатнинг янги авлоди кўк ва яшил рангларни йўқотади, шунинг учун соатнинг вариантлари ўтган йилги авлодга қараганда камроқ бўлади.

"Apple Watch"нинг титаниумли версияси стандарт соат модели учун ҳам тақдим этилмайди — Apple Watch Pro бундай модификацияни олади.

Apple'нинг тақдимоти 2022 йил кузида бўлиб ўтиши режалаштирилган бўлиб, унда iPhone 14 смартфонлари ва Apple Watch Series 8 ақлли соатлари намойиш этилади.