Янги изланишлар: коронавирус инсон терисида маълум вақт сақланиб қолади

Янги изланишлар: коронавирус инсон терисида маълум вақт сақланиб қолади

Янги турдаги коронавирус инсон терисида сақланиб қолиши ва тўққиз соат давомида хавфли бўлиши мумкин. Бу грипп вирусининг худди шундай кўрсаткичларидан беш баравар хавфлироқ, деб топди Япониянинг Киото тиббиёт университети тадқиқотчилари. ТАССнинг Asahi газетасига таяниб ёзишича, олимлар бу каби маълумотни биринчи марта қўлга киритдилар.

Тажрибалар чоғида Киото тадқиқотчилари грипп ва янги коронавируснинг 100 минглаб намуналарини инсон терисига жойлаштирдилар ва вируснинг йўқолиш тезлигини кузатдилар. Тажриба пайтида грипп вируслари инсон терисида 1-2 соат сақланиб қолди. Коронавирус инфекцияси эса 6-11 соатгача, ўртача 9 соат терида қолади. Тажрибалар шуни кўрсатдики, 80% этанол билан даволаш барча коронавирусларни тахминан 15 сония ичида бутунлай йўқ қилиши мумкин. Бундан ташқари, қўлларингизни сув остида ювсангиз ҳам, уларнинг сони 100 баравар камайиши мумкинлиги аниқланди. Агар сиз қўлларингизни 15 сония давомида совун ва сув билан ювиб ташласангиз, сўнгра 10 сония давомида оддий сувда ювиб ташласангиз, унда терида дастлабки коронавирус миқдорининг ўн мингдан бир қисми қолади. Университет мутахассисларининг фикрига кўра, ювилган қўлларни спиртли антисептик билан тозалаш, таъсирни янада ошади.

Аввалроқ, австралиялик олимлар тажрибасида коронавирус қоғоз пуллар ва смартфон экранларида бир ойга қадар сақланиб қолиши ҳақида хабар берган эдик.

Коронавирус банкноталар ва смартфонларда қанча вақт “яшайди”