Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Янги қонун лойиҳаси ҳақидаги хабар Яндексга 1,5 миллиард доллар зарар келтирди
12.10.2019 11:59,  
586

АҚШнинг Nasdaq биржасида савдо куни очилганидан сўнг Яндекснинг акциялари 17 %га пасайди. Бунга ноябрь ойида Россия Давлат Думаси Интернет-ресурсларидан фойдаланишга доир янги қонун лойиҳаси сабаб бўлмоқда. Компания акциялари нархи 1.5 млрд $га арзонлаб, ҳозирда умумий капитализацияси 10 млрд $дан пастлади.

Кеча Давлат Думаси қонун лойиҳасини ноябрь ойида кўриб чиқишини эълон қилди. Янги лойиҳага кўра, "Интернет тармоғидаги муҳим ахборот ресурси" тушунчаси амалга киритилади ва бундай ресурсларнинг устав фондида "хорижий сармоялар миқдори 20%дан ошишига" йўл қўйилмайди. Яъни, чет эл сармоядорлари учун чекловлар ўрнатилади. Яндекс эса айнан шундай, "Интернет тармоғидаги муҳим ахборот ресурси" дея таснифланиши мумкин.

"Ҳозирги талқинда у ҳақиқатан ҳам асосий иштирокчилар учун жиддий хавф туғдиради", деди ахборот сиёсати қўмитаси раҳбари Леонид Левин. Унинг сўзларига кўра, қўмитанинг вазифаси "хавфсизлик" ва "инвестиция"ни яқинлаштириш ҳисобланади.

"Ҳеч қанақа муаммони кўрмаяпман, бугун тушган бўлса (акциянинг нархи - таҳр.), эртага ошади. Сизларга маслаҳатим, бирорта ушбу қонунга қарши амалдор топиб, ундан баёнот олинг. Шунда акцияларингиз нархи ошади", - дейди қонун лойиҳаси муаллифи депутат Горелкин ўзининг телеграм каналида.

ВТБ банк таҳлилчилари фикрича, Яндекс акциялари тушишига сабаб қонун лойиҳасининг ўзидан ҳам кўра, унинг ОАВда кенг ёритилаётганлигидир. Ҳатто қонун қабул қилиниши сўроқ остида турганига қарамай, бир қанча инвесторлар активларини рискка қўйишни истамаяпти.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан