Ўзбекистонда янги рақамли банк ташкил этишга рухсат берилди

Ўзбекистонда янги рақамли банк ташкил этишга рухсат берилди

Ўзбекистон Республикаси Марказий банкининг Банк назорати қўмитаси 2020 йил 9 мартда Тошкент шаҳрида рақамли банк “ANOR BANK” акциядорлик жамиятини ташкил этишга доир дастлабки рухсатнома бериш тўғрисида қарор қабул қилди. Бу ҳақда Марказий банк ахборот хизмати хабар бермоқда.

Фото: Марказий банк

Дастлабки рухсатнома олти ой муддатга берилади. Ушбу давр мобайнида муассис томонидан банк фаолиятини амалга ошириш ҳуқуқини берувчи лицензия олиш учун тегишли ташкилий-техник тадбирлар амалга оширилиши ва банк устав капитали шакллантирилиши лозим, дейилади хабарда.