Тошкент вилоятининг Янгийўл туманида яшовчи Ж. М. шу тумандаги «Маданият» маҳалла фуқаролар йиғинида яшовчи холаси, I гуруҳ ногирони К. Қ.нинг уйига келиб жанжал чиқаради ва унинг кўкрак қисмига пичоқ билан уриб, жароҳат етказади. Ўзи эса воқеа жойидан жуфтакни ростлайди.

Вақтида кўрилган чора туфайли К. Қ. касалхонага ётқизилди. Ж. М. эса қўлга олиниб, ҳозирда қонун олдида жавоб бермоқда. Бу ҳақда “Постда” газетаси хабар берди.