Япон ширкати Наманганда хусусий мактаб қуради
10.05.2020 10:37,
159
Ўзбекистоннинг Япониядаги элчихонасида Япониянинг Balcom Co. Ltd компанияси президенти Тецуро Ямасака иштирокида видеоконференция форматида музокаралар олиб борилди.
Мулоқот чоғида қатор ҳамкорлик йўналишлари ҳақида сўз борди.
Улар орасида
- Наманган вилоятида хусусий мактабни ташкил этиш;
- Тошкентдаги Турин политехника университети филиали базасида техник ўқув марказини ташкил этиш;
- Намангандаги ресторан бизнесига инвестиция киритиш;
- янги ва қайта ишланган ўзбек мева-сабзавотларини Япония бозорига етказиб бериш
- Ўзбекистонга сайёҳлик сафарларини ташкиллаштириш ҳам бор.
Т. Ямасака юқоридаги лойиҳаларни амалга оширишдан манфаатдорлигини таъкидлади ва Японияда коронавирус тарқалиши билан боғлиқ вазият яхшилангани сабабли Ўзбекистонга ташриф буюришга тайёрлигини билдирди.