Киото университети мутахассислари илон шаклидаги робот яратишди. WION маълумотларига кўра, у зинапояларга кўтарилиб, дренаж қувурлари орқали ўтиши мумкин.
Қайд этилишича, робот Франциядан келган механиклар билан ҳамкорликда ишлаб чиқилган.
Олимлар ишланма табиий офатлар юз берганда қўлланилишини тахмин қилмоқда - робот одамлар етиб бориш қийин бўлган жойларга, шунингдек, инсоннинг узоқ вақт бўлиши хавфли бўлиши мумкин бўлган бошқа жойларга ҳам кира олади. Масалан, атом электр станцияларида.
«Роботлар кам углеродли синтез лойиҳамизнинг асосий қисмидир ва биз бундай машиналарни масофадан бошқаришни ўрганишимиз керак. Чунки улар термоядровий электр станцияларига хизмат кўрсатишда қўлланилади», - дейди муҳандис Тристан Треметик.