Украинадаги жанговар ҳаракатлар туфайли санкциялар доирасида Россиядан Японияга олтин импортини тақиқлаш 1 августдан кучга киради. Бу ҳақда Япония молия вазирлиги сайтида чоп этилган ҳужжатда айтилади.
Россия олтинини сотиб олишга чекловлар тасдиқланди.
Шунингдек, ушбу санкциялар пакети доирасида 5 сентябрдан бошлаб Россияга бухгалтерия ҳисоби, аудит, консалтинг ва траст операциялари хизматларини кўрсатишга тақиқ жорий этилади.
Июль ойи бошида Япония Россияга қарши санкциялар рўйхатини янгилаб, унга 57 жисмоний шахс ва олти компанияни қўшди. Россия бош вазири ўринбосари Дмитрий Григоренко, Херсон вилояти ҳарбий-фуқаролик маъмурияти раҳбари Владимир Сальдо, унинг ўринбосари Кирилл Стремоусов ва бошқа шахслар санкциялар остида қолди.