«Яшил ҳудуд»ларда ўқув марказлари фаолиятини бошлаш мумкинми?​

«Яшил ҳудуд»ларда ўқув марказлари фаолиятини бошлаш мумкинми?​

Бугун АОКАҳузурида ташкил этилган штабда Бош давлат санитария инспектори Нурмат Отабеков иштирокида брифинг ўтказилди. Унда муҳим савол ва мурожаатлар юзасидан жавоб қайтарилди:

Савол: Карантин вақтида ишлаб чиқариш жараёни СEС ходимлари томонидан текширилиши тўғрими?

Жавоб: Карантин даврида, нафақат ишлаб чиқариш, балки барча тадбиркорлик субъектларида уларни хабардор этган ҳолда текширишлар ўтказилиши мумкин.

Текширувларда Бош давлат санитария шифокори томонидан карантин даврида вақтинчалик тасдиқланган 0372- сонли СанҚМ ва Республика махсус комиссиясининг баён қарорларининг ижроси ўрганилади.

Савол: «Яшил ҳудуд»ларда ўқув марказлари фаолиятини бошлаш мумкинми?

Жавоб: Йўқ, карантин чоралари енгиллаганига қарамай, барча турдаги таълим муассасалари ва ўқув курслари фаолиятига чекловлар ўз кучида қолади.

Савол: Касаллик аниқланмаган ҳудудларда карантинни бекор қилса бўладими?

Жавоб: Йўқ, бўлмайди. Вазият тез ўзгариши мумкин. Буни «яшил»дан «қизил»га айланган ҳудудларимиз мисолида ҳам кўриш мумкин.