Валюта курси: Ўз.Р.Марказий банки
USD
АҚШ доллар
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар








“Яширин штамм”нинг янги белгилари “ошкор” бўлмоқда 
19.04.2022 12:51,  
152

Коронавируснинг “омикрон” штамми қисқа муддатда дунёни “забт” этгач, кўп ўтмай унинг янги мутациялари кенг тарқала бошлади. ВА.2 — шулардан бири. 

“Яширин штамм” номини олган мазкур субвариант ҳозиргача дунёнинг барча қитъаларида қайд этилган. Вақт ўтиши билан унга хос янги аломатлар ҳам маълум бўлмоқда. 

Хусусан, BA.2 белгилари нафақат грипп ва тумов, балки аллергия симптомлари билан жуда ўхшаш. 

Мутахассислар фикрича, текширув тестларисиз беморнинг коронавирусни юқтирган ёки йўқлигини аниқлаш имконсиз. 

BA.2 нинг асосий аломатлари шамоллаш сингари намоён бўлади: кўпинча томоқ оғрийди, бурун битади. Сабабсиз бош айланиши, бош оғриғи ва толиқиш кузатилади.

Бироқ баҳорнинг айни кунларида ушбу симптомларни аллергия белгилари билан чалкаштириб юбориш ҳеч гап эмас. Негаки, бу штаммда COVID-19га хос “анъанавий” аломат — таъм ва ҳид билиш қобилияти йўқолиши кузатилмайди. 

Буюк Британиялик машҳур эпидемиологик олим, профессор Тим Спектор бу борадаги ўрганишларига таяниб, BA.2 аввалги штаммларга қараганда тезроқ тарқалиши баробарида, аксарият ҳолларда енгил кечаётганини таъкидлади. 

Буни “омикрон”нинг илк ўчоғи бўлган Жанубий Африкада янги мутацияни юқтирган беморларнинг тахминан 40 фоизи касалликни ҳеч қандай белгиларсиз бошдан кечиргани ҳам тасдиқлайди. 

Тавсия Этамиз








Тавсия Этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан